پی ٹی آئی کا شیر افضل مروت کو نوٹس،غیرمشروط معافی مانگنے کی ہدایت
پاکستان تحریک انصاف (پی ٹی آئی) نے پارٹی کے سابق چیئرمین بیرسٹر گوہر علی خان کے بارے میں بیان دینے پر پارٹی رہنما شیر افضل مروت کو اظہار وجوہ کا نوٹس جاری کرتے ہوئے انہیں غیرمشروط معافی مانگنے کی ہدایت کی ہے۔
واضح رہے کہ جیو نیوز کے ایک پروگرام میں گفتگو کرتے ہوئے شیر افضل مروت نے کہا تھا کہ گوہر علی خان کو غیر تسلی بخش کارکردگی پر چیئرمین کے عہدے سے ہٹایا گیا۔
شیر افضل مروت کا یہ بھی کہنا تھا کہ بیرسٹر گوہر علی خان کو چیئرمین شپ کے عہدے سے ہٹانے کے پیچھے ان کی نااہلی اور خراب کارکردگی ہے، پارٹی آفس چلانے کے لیے ہر وقت متحرک رہنا ہوتا ہے لیکن ایسا نہ ہوا۔
پی ٹی آئی رہنما کا کہنا تھا تین ماہ کا وقت بیرسٹر گوہر کو ملا لیکن وہ کامیاب نہ ہو سکے، ورکرز کے احتجاج سمیت دیگر توقعات تھیں جس میں بیرسٹر گوہر ناکام ہوئے۔
