کالا دھن : اسٹیٹ بینک آف پاکستان کا ملک بھر میں نئے کرنسی نوٹ متعارف کرانے کا اعلان.
اسٹیٹ بینک آف پاکستان کے گورنر جمیل احمد نے مانیٹری پالیسی اجلاس کے بعد بتایا ہے کہ ملک بھر میں تمام مالیت کے نئے کرنسی نوٹ متعارف کرائے جائیں گے.
گورنر کے بقول ملک میں جعلی نوٹوں کی شکایات بڑھ گئی ہیں جس کے خاتمے کیلئے نئے نوٹ متعارف کئے جا رہے ہیں. اور اسٹیٹ بینک کا غیر اعلانیہ طور پر اس اسکیم کے ذریعے مارکیٹ میں سے کالا دھن ، منی لاندرنگ اور غیر اعلانیہ کیش اسٹاک کم کر کے ٹیکس چوری کنٹرول کرنے کی کوشش بھی شامل ہے.
ان کا کہنا تھا کہ نئے بینک نوٹ بین الاقوامی معیار کے مطابق ہوں گے، جس کا مقصد ملک کے اندر جعلی کرنسی کی گردش کو روکنا ہے۔ انہوں نے کہا کہ تمام نوٹوں کے ڈیزائن کا فریم ورک بھی شروع ہو چکا ہے جو امید ہے مارچ تک مکمل ہوجائیگا. تمام مالیت کے کرنسی نوٹوں کو ایک نئے ڈیزائن, رنگ, سیریل نمبر اور نئے فیچرز کے ساتھ متعارف کیا جائیگا.
انہوں نے مزید کہا کہ پوری دنیا کے کرنسی نوٹوں میں چینجز آگئی ہیں اور یہ چینجز اب پاکستانی نوٹوں میں بھی دیکھنے کو ملے گی.
کرنسی نوٹوں کے نئے ڈیزائن کیلئے باقاعدہ فروری میں ایک مقابلہ بھی منعقد کیا جائیگا.
