British-based club cricketer Rizwan Javed has been banned
اردو انٹر نیشنل (اسپورٹس ڈیسک) تفصیلات کے مطابق برطانیہ میں مقیم کلب کرکٹر رضوان جاوید پر امارات کرکٹ بورڈ (ای سی بی) کے انسداد بدعنوانی کوڈ برائے شرکا کی پانچ مختلف خلاف ورزیوں کے مرتکب پائے جانے کے بعد 17 سال تک کی تمام کرکٹ سے پابندی عائد کر دی گئی ہے۔
امارات کرکٹ بورڈ (ای سی بی) کے انسداد بدعنوانی کوڈ کی پانچ مختلف خلاف ورزیوں میں قصوروار پائے جانے کے بعد رضوان جاوید کو آئی سی سی کی جانب سے دی جانے والی اب تک کی دوسری بڑی سزا ہے۔ رضوان جاوید ان آٹھ کھلاڑیوں اور آفیشلز میں شامل تھے جن پر ستمبر 2023 میں آئی سی سی نے 2021 کی ابوظہبی ٹی 10 لیگ فکسنگ کا الزام لگایا تھا۔ آئی سی سی نے ان پر 17 سال تک کی پابندی عائد کی ہے۔ واضح رہے کہ اس سے قبل 2018 میں آئی سی سی نے زمبابوے کے راجن نائر کو 20 سال کی پابندی کی سزا سنائی تھی جو کہ تاریخ کی سب سے بڑی سزا تھی۔
رضوان پر پابندی کی تاریخ 19 ستمبر 2023 ہےجس تاریخ سے انہیں عارضی طور پر معطل کیا گیا تھا۔
