Wasim Akram questions Faheem Ashraf's inclusion in Champions Trophy squad-AFP
اردوانٹرنیشنل (اسپورٹس ڈیسک) تفصیلات کے مطابق سوئنگ کے سلطان اور پاکستان کے سابق کپتان وسیم اکرم نے آل راؤنڈر فہیم اشرف کے آئی سی سی چیمپئنز ٹرافی اسکواڈ میں انتخاب پر تشویش کا اظہار کرتے ہوئے ان کی شمولیت کو “آؤٹ آف دی بلیو” قرار دیا ہے۔
ایک فرنچائز پریس کانفرنس سے خطاب کرتے ہوئے اکرم نے فہیم کی کارکردگی پر سوال اٹھاتے ہوئے کہا کہ پہلے 20 میچوں میں ان کی بولنگ اوسط 100 ہے، اور ان کی بیٹنگ اوسط صرف 9 ہے میں مزید کیا کہوں؟
اکرم نے پاکستان کی حکمت عملی پر بھی حیرت کا اظہار کرتے ہوئے کہا کہ جہاں دنیا بھر کی ٹیمیں برصغیر کی پچوں کی وجہ سے اسپنر کی تعداد میں اضافہ کر رہی ہیں، پاکستان صرف ایک ماہر اسپنر ابرار احمد کے ساتھ ٹورنامنٹ میں جا رہا ہے۔
وسیم اکرم نے چیمپئنز ٹرافی 2025 میں فخر زمان کے ساتھ پاکستان کے لیے اسٹار بلے باز کو اننگ کا آغاز کرنے کے خیال کی بھی حمایت کی۔
انہوں نے میڈیا ٹاک کے دوران کہا کہ میں رضوان کو مڈل آرڈر بلے باز کے طور پر دیکھنا چاہوں گا اور شاید بابر سے اننگ اوپن کرنے کا کہوں گا بابر کے پاس ایک شاندار تکنیک ہے اگر وہ 50 اوور کھیلتا ہے اور سنچری بناتا ہے تو بیٹنگ اس کے گرد گھومے گی.
