ویرات کوہلی انگلینڈ کے خلاف ٹیسٹ سیریز سے باہر

ویرات کوہلی انگلینڈ کے خلاف ٹیسٹ سیریز سے باہر

اردو انٹرنیشنل (اسپورٹس ڈیسک) تفصیلات کے مطابق 35 سالہ سابق کپتان تیسرا ٹیسٹ شروع ہونے سے قبل پہلے دو ٹیسٹ سے دستبردار ہو ئے تھے۔بورڈ آف کنٹرول فار کرکٹ ان انڈیا (بی سی سی آئی) نے ہفتے کے روز کہا کہ کوہلی بقیہ تین ٹیسٹ میچوں سے غیر حاضر رہیں گے۔

بی سی سی آئی نے ایک بیان میں اعلان کیاویرات کوہلی ذاتی وجوہات کی بنا پر سیریز کے بقیہ حصے کے لیے انتخاب کے لیے دستیاب نہیں رہیں گے۔

بورڈ کوہلی کے فیصلے کا مکمل احترام اور حمایت کرتا ہے۔جب پہلے دو ٹیسٹ نہیں کھیلے گئے تو بورڈ نے کہا تھا کہ کچھ ذاتی حالات اس کی موجودگی اور غیر منقسم توجہ کا مطالبہ کرتے ہیں۔

کوہلی جنہوں نے بھارت کے لیے 113 ٹیسٹ کھیلے ہیں، 8,848 کے ساتھ سب سے زیادہ رنز بنانے والوں کی فہرست میں چوتھے نمبر پر ہیں۔

جمعرات، 15 فروری کو راجکوٹ میں تیسرے ٹیسٹ سے شروع ہونے والے تین میچوں کے ساتھ سیریز 1-1 سے برابر ہے۔

کوہلی، جنہوں نے 2014 اور 2022 کے درمیان 68 ٹیسٹ میں ٹیم کی قیادت کی تھی، دو سال سے زیادہ عرصے سے ہندوستان کے لیے کوئی ٹیسٹ نہیں چھوڑا تھا، آخری مرتبہ وہ جنوری 2022 میں جوہانسبرگ میں جنوبی افریقہ کے خلاف ایک میچ سے باہر ہو گئے تھے۔

پہلے دو ٹیسٹ کھیلنے والے بلے باز شریاس آئر بھی بقیہ سیریز کے لیے نامزد کردہ 17 رکنی اسکواڈ میں شامل نہیں ہوئے۔
بورڈ نے مزید کہا کہ اسپنر رویندرا جدیجا اور بلے باز کے ایل راہول، جو دونوں پہلے ٹیسٹ میں کھیلے تھے، ٹیم میں واپس آگئے ہیں لیکن وہ صرف بی سی سی آئی میڈیکل ٹیم کی فٹنس کلیئرنس سے مشروط کھیلیں گے۔

ٹیسٹ سیریز : بھارت نے انگلینڈ کو شکست دے کر سیریز برابر کر دی