’اسرائیل کے خلاف ہزاروں میزائل تیار ہیں‘،پاسداران انقلاب کی دھمکی
اردو انٹرنیشنل (مانیٹرنگ ڈیسک) ایران اور پوری دنیا اس مہینے کے شروع میں ایرانی میزائل حملے پر اسرائیل کے ردعمل کا انتظار کر رہی ہے۔ تہران نےایک بار پھردھمکی دی ہے۔
ایرانی پاسداران انقلاب کے اسسٹنٹ کمانڈر ابراہیم جباری نے اخباری بیان میں کہا کہ اگر ہم نے حال ہی میں 200 میزائل داغے ہیں تو اب ہم اسرائیل کی طرف ہزاروں میزائل داغنے کے لیے تیار ہیں ۔
تاہم انہوں نے مزید کہا کہ اگر اسرائیل کوئی حملہ نہیں کرتا تو جنگ نہیں ہوگی۔
انہوں نے مزید کہا کہ اگر اسرائیل ہمارے ملک میں ایک مقام کو نشانہ بناتا ہے تو ہم درجنوں سکیورٹی، فوجی اور اقتصادی مراکز کو نشانہ بنا کر جواب دیں گے۔
درایں اثناء ایران میں موبلائزیشن آرگنائزیشن کے سربراہ بریگیڈیئر جنرل غلام رضا سلیمانی نے کہا کہ ان کا ملک نئی ٹیکنالوجی استعمال کرے گا جو اسرائیل کو حیران کر دے گی۔
اسرائیل اب بھی تہران اور ٹارگٹ بینک کو جواب دینے کے لیے آپشنز کا مطالعہ کر رہا ہے۔ وہ اچانک اور سخت ردعمل کی دھمکی دے کر کارروائی کرسکتا ہے جو ایران کے لیے غیر متوقع ہوسکتا ہے۔
