The West Indies fast bowler retired from international cricket-AFP
ویسٹ انڈیز کے فاسٹ باولر نے انٹرنیشنل کرکٹ سے ریٹائرمنٹ لے لی
اردوانٹرنیشنل(اسپورٹس ڈیسک) تفصیلات کے مطابق ویسٹ انڈیز کے تیز گیند باز شینن گیبریل نے بدھ کو بین الاقوامی کرکٹ سے ریٹائرمنٹ کا اعلان کرتے ہوئے 2012 میں شروع ہونے والے کیریئر کا اختتام کیا۔
گیبریل نے انسٹاگرام پر کہا کہ گزشتہ 12 سالوں کے دوران میں نے خود کو ویسٹ انڈیز کے لیے بین الاقوامی کرکٹ کھیلنے کے لیے وقف کر دیا ہے۔
اس پیارے کھیل کو اعلیٰ سطح پر کھیلنے سے مجھے بے پناہ خوشی ملی ہے، لیکن جیسا کہ کہاوت ہے، تمام اچھی چیزوں کا خاتمہ ہونا چاہیے آج میں انٹرنیشنل کرکٹ سے ریٹائرمنٹ کا اعلان کر رہا ہوں۔
دائیں ہاتھ کے تیز گیند باز نے کرکٹ ویسٹ انڈیز کے منتظمین، کوچز اور عملے کے ارکان سے اپنے بین الاقوامی کیریئر کے دوران تعاون کے لیے شکریہ ادا کیا۔
شینن گیبریل نے 59 ٹیسٹ، 25 ون ڈے اور دو ٹی ٹوئنٹی میچوں میں ویسٹ انڈیز کی نمائندگی کی اور تمام فارمیٹس میں مجموعی طور پر 202 وکٹیں حاصل کیں۔
ویسٹ انڈیز کے لیے ان کا آخری میچ جولائی 2023 میں ہوا تھا لیکن وہ ویسٹ انڈیز کی ڈومیسٹک کرکٹ کا باقاعدہ حصہ تھے۔
