نیشنل ویمنز فٹبال کلب چیمپئن شپ کے پانچویں روز دو میچز کے نتائج سامنے آگئے

اردو انٹرنیشنل اسپورٹس ویب ڈیسک تفصیلات کے مطابق اسلام آباد میں جاری نیشنل ویمنز فٹبال کلب چیمپئن شپ 2024 کے پانچویں روز کراچی سٹی ایف سی نے دیا ایف سی کو 16-0 سے شکست دے کر مسلسل تیسری کامیابی حاصل کی۔

اس میچ میں نقیہ علی نے غیر معمولی کارکردگی کا مظاہرہ کرتے ہوئے چھ گول کر کے پلیئر آف دی میچ کا اعزاز حاصل کیا۔ زلفیہ نذیر نے بھی تین گول کر کے کھیل پر نمایاں اثر ڈالا۔

نادیہ اور رامین نے دو دو جبکہ ثنا، سوہا اور زارا نے ایک ایک گول کیا۔ دن کے دوسرے میچ میں کراچی یونائیٹڈ ایف سی نے اپنی شاندار فارم کو جاری رکھتے ہوئے جافا ڈبلیو ایف سی کو 6-0 سے شکست دی۔ اس میچ میں مارشا نے تین گول، ایشال نے دو اور عائشہ نے ایک گول کیا۔