پاکستان اور آسٹریلیا کے درمیان فیصلہ کن ون ڈے کل پرتھ میں کھیلا جائے گا

اردوانٹرنیشنل(اسپورٹس ڈیسک) تفصیلات کے مطابق پاکستان اور آسٹریلیا کے درمیان ون ڈے سیریز کا آخری میچ کل (اتوار) کو کھیلا جائے گا۔

آسٹریلیا کے خلاف دوسرا میچ جیتنے کے بعد پاکستان کرکٹ ٹیم ایڈیلیڈ سے پرتھ پہنچ گئی، جہاں دونوں ٹیمیں سیریز میں فتح کے لیے میدان میں اتریں گی۔

فیصلہ کن تیسرا اور آخری ون ڈے کل پاکستانی وقت کے مطابق صبح 8:30 بجے شروع ہوگا۔

سیریز میں برابری کی بنیاد پر آسٹریلیا نے پہلا میچ جیتا تھا اور دوسرا پاکستان نے اپنے نام کیا تھا ون ڈے سیریز کے بعد دونوں ٹیمیں تین ٹی ٹوئنٹی میچز بھی کھیلیں گی۔