مشرقِ وسطیٰ کی کشیدہ صورتحال: افغانستان اور سری لنکا کی وائٹ بال سیریز ملتوی

افغانستان اور سری لنکا کے درمیان شیڈول وائٹ بال کرکٹ سیریز ملتوی کر دی گئی ہے افغانستان کرکٹ بورڈ کے مطابق سیریز مشرقِ وسطیٰ میں بڑھتی ہوئی کشیدگی اور اس کے نتیجے میں پیدا ہونے والے لاجسٹک مسائل کے باعث ملتوی کی گئی۔

یہ سیریز 13 سے 25 مارچ تک متحدہ عرب امارات میں کھیلی جانی تھی جس کی میزبانی افغانستان کرکٹ بورڈ نے کرنی تھی شیڈول کے مطابق تین ٹی ٹوئنٹی میچز 13، 15 اور 17 مارچ کو شارجہ میں جبکہ تین ون ڈے میچز 20، 22 اور 25 مارچ کو دبئی میں ہونے تھے۔

افغانستان کرکٹ بورڈ کا کہنا ہے کہ موجودہ علاقائی صورتحال کے پیش نظر سیریز کو رواں سال کے آخر تک ری شیڈول کرنے کا فیصلہ کیا گیا ہے نئی تاریخوں کا اعلان مناسب وقت پر کیا جائے گا۔