ٹیمبا باوما افغانستان کے خلاف پہلے ون ڈے سے باہر ہو گئے

ٹیمبا باوما افغانستان کے خلاف پہلے ون ڈے سے باہر ہو گئے

اردوانٹرنیشنل(اسپورٹس ڈیسک) تفصیلات کے مطابق جنوبی افریقہ کی ٹیم بدھ کو شارجہ میں افغانستان کے خلاف پہلے ون ڈے میں ٹیمبا باوما کے بغیر کھیلے گی۔

پروٹیز کپتان بیماری کی وجہ سے کھیل سے باہر ہو گئے ہیں اور ایڈن مارکرم ان کی غیر موجودگی میں ٹیم کی قیادت کریں گے۔

یہ ون ڈے سیریز آئی سی سی ٹورنامنٹس کے باہر افغانستان اور جنوبی افریقہ کے درمیان پہلی ہے آخری بار یہ دونوں ٹیمیں آئی سی سی مینز ٹی 20 ورلڈ کپ 2024 کے سیمی فائنل میں مدمقابل تھیں۔

جنوبی افریقہ نے اپنا آخری لیگ میچ 5 وکٹوں سے جیتا تھا۔

جنوبی افریقہ کی ٹیم افغانستان کے خلاف متحدہ عرب امارات میں ون ڈے سیریز کھیلے گی جس کے بعد ابوظہبی میں ون ڈے اور ٹی ٹوئنٹی میں آئرلینڈ سے بھی مقابلہ کرنا ہے۔