ٹی ٹوئنٹی ورلڈ کپ: انگلینڈ نے عمان کو 8 وکٹوں شکست دے دی

اردو انٹرنیشنل (اسپورٹس ڈیسک) تفصیلات کے مطابق نارتھ ساؤنڈ کے سر ویوین رچرڈز اسٹیڈیم میں انگلینڈ نے ٹی ٹوئنٹی ورلڈ کپ 2024 کا اپنا پہلا میچ جیت کر عمان کو آٹھ وکٹوں سے شکست دے دی ہے۔

دفاعی چیمپئن نے 48 رنز کا ہدف صرف 3.1 اوورز میں حاصل کر لیا۔

اس سے قبل جوس بٹلر نے ٹاس جیت کر پہلے فیلڈنگ کرنے کا فیصلہ کیا جب انگلینڈ نے عمان کو محض 47 رنز پر آؤٹ کیا۔

عمان کی جانب سے صرف ایک بلے باز شعیب خان ڈبل فیگر میں پہنچ سکے انہوں نے 23 گیندوں پر 11 رنز بنائے۔

عدیل راشد دفاعی چیمپئنز کی جانب سے بہترین باؤلر رہے انہوں نے 4 جبکہ مارک ووڈ نے 3 اور جوفرا آرچر نے بھی3 وکٹیں حاصل کیں۔

اومان کا 47 ٹی ٹوئنٹی ورلڈ کپ کی تاریخ کا چوتھا سب سے کم مجموعہ ہے۔