سیکیورٹی فورسز کے قافلے پر خودکش حملہ، 2 شہری شہید
26 نومبر 2023 کو، موٹر سائیکل پر سوار ایک خودکش بمبار جس کی شناخت افغان شہری کے طور پر ہوئی،نے ضلع بنوں کے بکہ خیل کے علاقے میں سیکیورٹی فورسز کے قافلے پر خود کو دھماکے سے اڑا لیا۔ خودکش بمبار کا تعلق حافظ گل بہادر گروپ سے تھا .
خودکش حملے کے نتیجے میں 2 معصوم شہری شہید ہوگئے جب کہ 7 شہری اور 3 فوجی زخمی ہوئے۔
سیکیورٹی فورسز کے مطابق علاقے میں پائے جانے والے کسی بھی دوسرے دہشت گرد کو ختم کرنے کے لیے سینیٹائزیشن آپریشن کیا جا رہا ہے۔
آئی ایس پی آر کا کہنا ہے کہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر شہریوں اور فوجیوں کی ایسی قربانیاں ہمارے عزم کو مزید مضبوط کرتی ہیں۔