Sialkot Stallions add Steve Smith to their squad for PSL 11-Image Credit: Sydney Sixers
پاکستان سپر لیگ (پی ایس ایل) کی نئی فرنچائز سیالکوٹ اسٹالینز نے 11ویں ایڈیشن کے لیے سابق آسٹریلوی کپتان اسٹیو اسمتھ کی شمولیت کا باضابطہ اعلان کر دیا ہے۔
فرنچائز کی جانب سے اس بات کی تصدیق سوشل میڈیا کے ذریعے کی گئی، جبکہ اسٹیو اسمتھ پہلی بار پی ایس ایل میں ایکشن میں نظر آئیں گے۔
اسٹیو اسمتھ اب تک آسٹریلیا کی نمائندگی کرتے ہوئے 67 ٹی ٹوئنٹی انٹرنیشنل میچز کھیل چکے ہیں، جن میں انہوں نے 1094 رنز اسکور کیے، جن میں 5 نصف سنچریاں شامل ہیں۔
اس سے قبل سیالکوٹ اسٹالینز سابق آسٹریلوی وکٹ کیپر بیٹر ٹم پین کو ٹیم کا ہیڈ کوچ مقرر کر چکی ہے۔
پی ایس ایل 11 کا آغاز 26 مارچ سے ہوگا جبکہ فائنل 3 مئی کو کھیلا جائے گا۔
