شہباز شریف سے نوابزادہ میر لشکری رئیسانی کی ملاقات
سابق وزیراعظم اور پاکستان مسلم لیگ (ن) کے صدر شہباز شریف سے حاجی لشکری خان رئیسانی نے لاہور میں ملاقات کی ،شہباز شریف نے آمد پر حاجی لشکری رئیسانی اور دیگر راہنمائوں کا استقبال کیا .ملاقات میں میر ہمایوں کرد اور ملک عبدالغفار ڈوگر بھی شریک تھے .
ملاقات میں ملک کی مجموعی صورتحال پر غور کیا گیا ،شہباز شریف نے حاجی لشکری رئیسانی کو مسلم لیگ (ن) میں شمولیت کی دعوت دی ،حاجی لشکری رئیسانی نے پارٹی میں شمولیت کی دعوت دینے پر شہباز شریف کا شکریہ ادا کیا .حاجی لشکری رئیسانی نے شہباز شریف سے گفتگو کرتے ہوئے کہا کہ وہ اپنے دوستوں سے مشاورت کے بعد اپنے فیصلے سے آگاہ کریں گے.
شہباز شریف نے گفتگو کرتے ہوئے کہا کہ بلوچستان کی ترقی پاکستان کی ترقی ہے ،بلوچستان کی ترقی اور عوام کو حقوق کی فراہمی نواز شریف کا ہمیشہ کلیدی ایجنڈا رہا ہے.گوادر، سی پیک اور ترقی کا عمل بلوچستان کے لئے گیم چینجر ثابت ہوگا. شہباز شریف نے کہا کہ بطور وزیراعظم 16 ماہ کے دوران بلوچستان کے سب سے زیادہ دورے کئے.
صدر مسلم لیگ ن نے کہا کہ بلوچستان سمیت تمام سیاسی قوتوں کو ساتھ لے کر چلنا چاہتے ہیں.
