سینیٹ نے الیکشن ملتوی کرانے کی قرارداد کثرت رائے سے منظور کرلی
اردو انٹرنیشنل (مانیٹرنگ ڈیسک)سینیٹ نے ملک میں انتخابات ملتوی کرانے کی قراراد کثرت رائے سے منظور کرلی۔
سینیٹر دلاور خان نے کہا کہ ملک کے بعض علاقوں میں شدید سردی کا موسم ہے، سیاسی جماعتوں نے اپنی تحفظات کا اظہار کیا ہے۔
ان کا کہنا تھا کہ بعض سیاسی جماعتوں کے رہنماؤں کو سیکیورٹی تھریٹس ہیں، انٹیلی جنس ایجنسیز نے ریلیوں پر حملوں کا سکیورٹی الرٹ جاری کیا ہے۔
سینیٹر دلاور خان نے کہا کہ کووڈ کا معاملہ بھی اس وقت ہے، 8 فروری کو انتخابات ملتوی کرنے چاہئے۔
سینیٹ اجلاس میں پاکستان مسلم لیگ (ن) کے سینیٹر افنان اللہ خان نے قرارداد کی مخالفت کی۔
واضح رہے کہ جیل میں قید پاکستان تحریک انصاف (پی ٹی آئی) کے بانی عمران خان کے گزشتہ روز برطانوی جریدے دی اکانومسٹ میں شائع ایک مضمون سے عندیہ ملتا ہے کہ سابق وزیر اعظم کو شدید شکوک و شبہات ہیں کہ آیا آئندہ انتخابات ہوں گے یا نہیں۔
