آپریشن کے دوران کسی کو ہراساں کیاتوعبرت کا نشان بنایا جائے گا،وزیرداخلہ
نجی ٹی وی چینل سے بات کرتے ہوئے نگران وزیر داخلہ سرفراز بگٹی نے کہا کہ قانونی طور پر پاکستان میں رہنے والے پناہ گزین افغان باشندے ہمارے بھائی ہیں ہم صرف ان افغان باشندوں کو ڈی پورٹ کررہے ہیں جو غیرقانونی طور پر رہ رہے ہیں۔
آپریشن ان لوگوں کے خلاف ہو رہا ہے جن کے پاس کوئی بھی قانونی و سفری دستاویز نہیں ہیں۔
واضح رہے کہ31 اکتوبر کو حکومت کی جانب سے پاکستان میں غیرقانونی طور پر مقیم افغانیوں کو واپس انکے ملک جانے کیلئے دی گئی مہلت ختم ہونے کے بعد غیرقانونی باشندوں کے خلاف ملک گیر آپریشن کا آغاز کیا گیا ہے۔
