سارہ ٹیلر انگلینڈ مینز ٹیم کی پہلی خاتون کوچ مقرر

انگلینڈ ویمنز ٹیم کی سابق اسٹار وکٹ کیپر سارہ ٹیلر کو نیوزی لینڈ کے خلاف سیریز کے لیے انگلینڈ مینز ٹیم کا فیلڈنگ کوچ مقرر کردیا گیا ہے۔

کرکٹ ویب سائٹ کی رپورٹ کے مطابق سارہ ٹیلر مختصر مدت کے لیے کارل ہوپکنسن کی جگہ ذمہ داریاں سنبھالیں گی، جو اس وقت آئی پی ایل میں مصروف ہیں۔

رپورٹ میں بتایا گیا ہے کہ سارہ ٹیلر اس سے قبل اینڈریو فلنٹوف کے ساتھ انگلینڈ لائنز اسکواڈ میں بھی کوچنگ خدمات انجام دے چکی ہیں۔

سارہ ٹیلر انگلینڈ کی سینئر مینز ٹیم کے ساتھ کام کرنے والی پہلی خاتون کوچ بن جائیں گی، جو انگلش کرکٹ کے لیے ایک تاریخی پیش رفت قرار دی جارہی ہے۔

واضح رہے کہ سارہ ٹیلر کا شمار انگلینڈ ویمنز کرکٹ کی بہترین وکٹ کیپرز اور نمایاں کھلاڑیوں میں کیا جاتا ہے۔