پی ٹی آئی کے امیدوار برائے وزیراعلیٰ پنجاب میاں اسلم اقبال کو پشاور ہائی کورٹ سے راہداری ضمانت مل گئی
پی ٹی آئی کے امیدوار برائے وزیراعلیٰ پنجاب میاں اسلم اقبال کو پشاور ہائی کورٹ سے راہداری ضمانت مل گئی
اردو انٹرنیشنل( مانیٹرنگ ڈیسک) تفصیلات کے مطابق پشاور ہائیکورٹ نے پاکستان تحریک انصاف (پی ٹی آئی) کے نامزد وزیراعلیٰ پنجاب میاں اسلم اقبال کی راہداری ضمانت منظور کرلی۔
پشاور ہائیکورٹ کے جسٹس وقار احمد نے میاں اسلم کی راہداری ضمانت کی درخواست پر سماعت کی.
پی ٹی آئی رہنما میاں اسلم کی جانب سے پشاور ہائی کورٹ میں درخواست دائر کی گئی تھی جس میں کہا گیا تھا کہ مدعی پر 19 مختلف مقدمات درج ہیں۔
درخواست میں عدالت سے استدعا کی گئی کہ میاں اسلم کی راہداری ضمانت منظور کی جائےجس کے بعد عدالت نے ان کی راہداری درخواست ضمانت منظور کرلی۔
یاد رہے کہ میاں اسلم وزیراعلیٰ پنجاب کے لیے پاکستان تحریک انصاف کے امیدوار ہیں، جس کا اعلان گوہر علی خان نے پی ٹی آئی کے بانی عمران خان کی منظوری کے بعد کیا تھا۔
