وزیراعظم شہباز شریف کی ولادیمیر پیوٹن کو دوبارہ روس کا صدر منتخب ہونے پر مبارکباد
اردو انٹرنیشنل ( مانیٹرنگ ڈیسک) تفصیلات کے مطابق وزیراعظم شہباز شریف نے ولادیمیر پیوٹن کو روس کا دوبارہ صدر منتخب ہونے پر مبارکباد دی ہے۔
سوشل میڈیا سائٹ (ٹویٹر) X پر جاری بیان میں وزیراعظم شہباز شریف نے لکھا کہ ولادیمیر پیوٹن کو روس کا دوبارہ صدر منتخب ہونے پر مبارکباد پیش کرتا ہوں۔انہوں نے کہا کہ پاکستان اور روس کے درمیان تعلقات مزید مستحکم کرنے کے لیے پیوٹن کیساتھ مل کر کام کرنے کا منتظر ہوں۔
واضح رہے کہ گزشتہ روز صدر ولادیمیر پیوٹن نے روس کے صدارتی انتخابات میں ریکارڈ 88 فیصد ووٹوں کے ساتھ کامیابی حاصل کی تھی.
روسی میڈیا کے مطابق پیوٹن 1999 سے روس پر حکمرانی کر رہے ہیں اور موجودہ الیکشن میں کامیابی کے بعد وہ مزید 6 سال حکمران رہیں گے ۔