پشاور: TTP محسن قادر گروپ کا اہم دہشت گرد کمانڈر پولیس مقابلے میں ہلاک
تحریک طالبان پاکستان ، محسن قادر گروپ کا سرغنہ اہم دہشت گرد کمانڈر محسن قادر پولیس مقابلے میں ہلاک ہوگیا.
آئی جی پولیس خیبر پختونخوا اختر حیات کا کہنا ہے کہ اہم دہشت گرد کمانڈر کا خاتمہ مردان پولیس کی بڑی کامیابی ہے۔
آئی جی پولیس خیبر پختونخوا کا مردان کاٹلنگ میں پولیس مقابلے میں شہید اور زخمی ہونے والے افسران کو خراج تحسین۔
واضح رہے کہ اس واقعہ میں ایس پی رورل مردان اعجاز خان شہید جبکہ ڈی ایس پی سمیت تین اہلکار زخمی ہوئے۔
پولیس ترجمان کے مطابق ایس پی رورل اعجاز خان نے دہشت گردوں کے خلاف مردانہ وار لڑکر جام شہادت نوش کیا۔
ترجمان خیبر پختونخوا پولیس کے مطابق پولیس کی جوابی کارروائی میں اہم دہشت گرد کمانڈر محسن قادر اور نائب عباس جہنم واصل۔
آئی جی پولیس اختر حیات کا کہنا ہے کہ مٹی کے دفاع اور قوم کی حفاظت کے لیے جانیں قربان کرنے والے پوری قوم کے محسن ہیں،پولیس شہداءکا جذبہ ، حوصلہ اور فرض شناسی پوری فورس کے لیے مشعل راہ ہے۔
آئی جی پی خیبر پختونخوا نے کہا کہ پولیس فورس شہدا کی قربانی اور جذبے کو سلام پیش کرتی ہے۔
پولیس چیف کے مطابق پولیس جوانوں کا خون رائیگاں نہیں جانے دیا جائیگا۔
انکا کہنا تھا کہ شرپسندوں کی بزدلانہ کارروائیاں پولیس فورس کے حوصلے پست نہیں کرسکتیں۔