جیل میں پرویز الہٰی کو دل میں تکلیف، اسپتال منتقل
اردو انٹرنیشنل (مانیٹرنگ ڈیسک)دل میں تکلیف کے با عث سابق وزیر اعلیٰ پنجاب چوہدری پرویز الہٰی کو اڈیالہ جیل سے راولپنڈی انسٹیٹیوٹ آف کارڈیالوجی (آر آئی سی) منتقل کر دیا گیا۔
جیل ذرائع کے مطابق پرویز الہٰی کو گزشتہ رات سے دل میں تکلیف کی شکایت تھی اس لئے سابق وزیر اعلیٰ کو آر آئی سی منتقل کیا گیا ہے.
ذرائع کا کہنا ہے کہ چوہدری پرویز الہٰی کا جیل اسپتال میں بھی طبی معائنہ کیا گیا، طبیعت خرابی کے باعث ان کو آر آئی سی منتقل کیا گیا۔
جیل ذرائع نے بتایا کہ پرویز الہٰی کے سینے میں انفیکشن بھی ہوا ہے۔
