Pakistan squad announced for Test series against Bangladesh-PCB
پاکستان کرکٹ بورڈ نے بنگلا دیش کے خلاف دو ٹیسٹ میچز کی سیریز کے لیے 16 رکنی قومی اسکواڈ کا اعلان کر دیا ہے ٹیم کی قیادت شان مسعود کریں گے جبکہ اسکواڈ میں بابر اعظم، امام الحق، محمد رضوان اور شاہین شاہ آفریدی سمیت اہم کھلاڑی شامل ہیں۔
دیگر کھلاڑیوں میں عبداللہ فضل، عماد بٹ، اذان اویس، حسن علی، خرم شہزاد، محمد عباس، محمد غازی غوری، نعمان علی، ساجد خان، سلمان علی آغا اور سعود شکیل شامل ہیں۔
قومی ٹیم 27 اپریل کو کراچی میں تربیتی کیمپ شروع کرے گی جو یکم مئی تک جاری رہے گا، جبکہ ٹیم 2 مئی کو بنگلا دیش روانہ ہوگی دونوں ٹیموں کے درمیان پہلا ٹیسٹ 8 مئی کو شیر بنگلا اسٹیڈیم میں کھیلا جائے گا جبکہ دوسرا ٹیسٹ 16 مئی سے سلہٹ میں ہوگا یہ سیریز آئی سی سی ورلڈ ٹیسٹ چیمپئن شپ کا حصہ ہے۔
سابق کپتان سرفراز احمد کو اس دورے کے لیے ہیڈ کوچ مقرر کیا گیا ہے، جبکہ اسد شفیق بیٹنگ کوچ اور عمر گل بولنگ کوچ کی ذمہ داریاں نبھائیں گے۔
