اردو انٹرنیشنل اسپورٹس ویب ڈیسک تفصیلات کے مطابق رواں ماہ بھوٹان میں منعقد ہونے والی ساف انڈر17چیمپئن شپ کے لیے قومی ٹیم کی تیاریاں عروج پر ہیں ،قومی ٹیم ایبٹ آباد میں ٹریننگ کے بعد اسلام آباد پہنچ گئی ہے جہاں ان کی بھرپور ٹریننگ جاری ہے۔

دوسری جانب پاکستان فٹبال فیڈریشن نے ساف انڈر 17چیمپئن شپ 2024 کےلیے سکواڈ کا اعلان بھی کر دیا ہے ۔ منتخب سکواڈ میں ڈیفینڈرز عبدالرحمان،محمد حسنین سلیم، نجیم خان، سمیر احمد، عبید اللہ خان، ماجد علی، سید محمد عابس رضا اور عمر جاوید، مڈ فیلڈرز عبدالصمد، محمد فراز، فرہاد،ہارون رشید، حکمت اللہ، خبیب خان، ایم شہاب احمد اور محمد خان، فارورڈز عبدالغنی، سبحان کریم، شرف خان اور محمد طلحہ خان، گول کیپر عادل علی خان، کاشف اور غلام عباس شامل ہیں۔ اسکواڈ میں شامل یہ تمام کھلاڑی اسلام آباد میں بھرپور ٹریننگ کررہے ہیں ۔

یاد رہے ساف انڈر17چیمپئن شپ 20 سے 30 ستمبر تک بھوٹان میں کھیلی جائے گی