Pakistan beat Sri Lanka by 6 wickets to win T20 tri-series-PCB
پاکستان نے راولپنڈی اسٹیڈیم میں کھیلے گئے ٹی ٹوئنٹی ٹرائی سیریز کے فائنل میں سری لنکا کو 6 وکٹوں سے شکست دے کر ٹائٹل اپنے نام کرلیا۔
سری لنکا نے پہلے بیٹنگ کرتے ہوئے 114 رنز بنائے، جس میں کامل مشرا 59 رنز کے ساتھ نمایاں رہے۔
پاکستانی بولرز نے شاندار کارکردگی دکھاتے ہوئے صرف 30 رنز کے اضافے پر حریف ٹیم کی 9 وکٹیں گرا دیں شاہین آفریدی اور محمد نواز نے تین، تین جبکہ ابرار احمد نے دو وکٹیں حاصل کیں۔
ہدف کے تعاقب میں پاکستان کی اوپننگ جوڑی نے اعتماد سے آغاز کیا اور 46 رنز کی شراکت قائم کی صائم ایوب 36 اور صاحبزادہ فرحان 23 رنز بناکر آؤٹ ہوئے، جبکہ فخر زمان اور کپتان سلمان آغا بڑی اننگز نہ کھیل سکے۔
بابر اعظم نے ذمہ دارانہ بیٹنگ کرتے ہوئے 37 رنز کی ناقابلِ شکست اننگز کھیل کر ٹیم کو کامیابی دلائی۔
