پاکستان اور جنوبی افریقہ ویمن ٹیم ورلڈ کپ سے قبل تین ٹی ٹوئنٹی میچ کھیلیں گی

پاکستان اور جنوبی افریقہ ویمن ٹیم ورلڈ کپ سے قبل تین ٹی ٹوئنٹی میچ کھیلیں گی

اردوانٹرنیشنل(اسپورٹس ڈیسک) تفصیلات کے مطابق پاکستان اور جنوبی افریقہ کی خواتین ٹیمیں اکتوبر میں ٹی ٹوئنٹی ورلڈ کپ سے قبل ملتان میں تین ٹی ٹوئنٹی میچوں میں آمنے سامنے ہوں گی۔

یہ فائنل شو ڈاؤن سے پہلے دونوں ٹیموں کے لیے پریکٹس گیمز کے طور پر شمار کیے جائیں گے۔

اس سلسلے میں پروٹیز 13 ستمبر کو ملتان پہنچے گی ، تینوں میچز 16،18 اور 20 ستمبر کو ملتان کرکٹ اسٹیڈیم میں شیڈول ہیں۔

پی سی بی نے ایک پریس ریلیز میں کہا کہ پاکستان اور جنوبی افریقہ کی خواتین کرکٹ ٹیمیں اگلے ماہ یو اے ای میں ہونے والے آئی سی سی ویمنز ٹی ٹوئنٹی ورلڈ کپ 2024 کی تیاری کریں گی، ملتان کرکٹ اسٹیڈیم میں تین میچوں کی سیریز میں دونوں مدمقابل ہوں گی۔

سیریز کے بعد، جنوبی افریقہ کی ٹیم 21 ستمبر کو متحدہ عرب امارات کے لیے روانہ ہوگی، جب کہ پاکستان 23 ستمبر کو روانہ ہوگا۔

پاکستان آئی سی سی ویمنز ٹی ٹوئنٹی ورلڈ کپ 2024 کے گروپ اے میں ہے، اس کے ساتھ آسٹریلیا، بھارت، نیوزی لینڈ اور سری لنکا بھی شامل ہیں۔

جبکہ جنوبی افریقہ بنگلہ دیش، انگلینڈ، اسکاٹ لینڈ اور ویسٹ انڈیز کے ساتھ گروپ میں ہے۔

پاکستان:فاطمہ ثنا (کپتان)، عالیہ ریاض، ڈیانا بیگ، گل فیروزہ، ارم جاوید، منیبہ علی (وکٹ کیپر)، نشرہ سندھو، ندا ڈار، عمائمہ سہیل، صدف شمس، سعدیہ اقبال (فٹنس سے مشروط)، سدرہ امین، سیدہ عروب شاہ۔ ، تسمیہ رباب، اور طوبہ حسن۔

ناجیہ علوی (وکٹ کیپر، ٹریولنگ ریزرو)، رامین شمیم، اور ام ہانی ملتان میں پری سیریز کے تربیتی کیمپ اور سیریز کا حصہ ہوں گی، لیکن صرف ناجیہ ہی اسکواڈ کے ساتھ سفر کریں گی۔

میچ شیڈول
ستمبر 16- پہلا ٹی ٹوئنٹی انٹرنیشنل، ملتان کرکٹ اسٹیڈیم

ستمبر18 – دوسرا ٹی ٹوئنٹی انٹرنیشنل، ملتان کرکٹ اسٹیڈیم

ستمبر20 – تیسرا ٹی ٹوئنٹی انٹرنیشنل، ملتان کرکٹ اسٹیڈیم