Nasir Iqbal wins Bega Open 2024 Squash Final-AFP
ناصر اقبال نے بیگا اوپن اسکواش 2024 فائنل جیت لیا
اردو انٹرنیشنل (اسپورٹس ڈیسک ) تفصیلات کے مطابق پاکستان کے ٹاپ اسکواش کھلاڑی ناصر اقبال نے آسٹریلیا میں بیگا اوپن 2024 اسکواش ٹائٹل جیت کر اپنے شاندار کیرئیر میں ایک اور کارنامہ انجام دیا۔
فائنل میں اقبال، نے ہانگ کانگ کے میتھیو لائی کے خلاف 11-6,11-1 اور 11-3 سے فتح حاصل کرکے 12,000 ڈالرکی انعامی رقم کے ساتھ کیریئرکا 17واں ٹائٹل جیت لیا۔
یہ میچ صرف 24 منٹ تک جاری رہا اور انہوں نے کورٹ پر مشہور کھلاڑی کی صلاحیت اور مہارت کی عکاسی کی۔
انہوں نے اپنے آخری پانچ ٹورنامنٹس میں سے چار جیتے ہیں اور اب وہ ملائیشیا میں ہونے والے ٹورنامنٹس میں حصہ لینے والے ہیں۔
پاکستانی کھلاڑی کی جیت اس وقت ہوئی جب انہوں نے ایک سنسنی خیز سیمی فائنل مقابلے میں سوئٹزرلینڈ کے رابن گڈولا کو 3-1 سے شکست دے کر فائنل میں اپنی جگہ پکی کی۔
اس میچ میں اقبال پہلا گیم جیتنے میں کامیاب رہے لیکن انہیں اس وقت چیلنج کا سامنا کرنا پڑا جب ان کے حریف گڈولا نے دوسرے گیم میں میچ برابر کر دیا۔
تاہم، پاکستانی کھلاڑی نے اگلے دو گیمز پر غلبہ حاصل کرتے ہوئے اپنی صلاحیتوں کا مظاہرہ کرتے ہوئے 6-11، 11-4، 2-11 اور 3-11 کے اسکور سے فتح حاصل کی۔
