سموگ پر قابو پانے کے لیے پنجاب کے 10 اضلاع میں لاک ڈاؤن نافذ
پنجاب حکومت کے احکامات کے مطابق لاہور، فیصل آباد، گوجرانوالا، ملتان، ساہیوال اور سرگودھا ڈویژن میں آج بھی تمام نجی و سرکاری تعلیمی ادارے بند رہیں گے ، مارکیٹیں تین بجے کھلیں گی جب کہ اتوار کو ہر طرح کا کاروبار بند رکھنا ہوگا۔
سرگودھا ڈویژن میں حکومتی احکامات کے برعکس متعدد نجی تعلیمی ادارے کھلے ہیں، سموگ کےباوجودکاروباری اداروں کے ساتھ ساتھ ٹریفک بھی رواں دواں ہے۔جبکہ سرگودھا میں مختلف علاقوں میں اینٹوں کے بھٹوں میں کام جاری ہے۔
ضلعی انتظامیہ سرگودھا کے مطابق اسموگ کاسبب بنے والےاینٹوں کے 16 بھٹے سیل کرکے ان کے خلاف مقدمہ درج کرلیا گیا ہے۔
واضح رہے کہ دنیا کے آلودہ ترین شہر وں میں آج لاہور کا دوسرا اور کراچی کا چوتھا نمبر ہے جب کہ دہلی پہلے اور بھارتی شہر کولکتہ تیسرے نمبر پر ہے۔
دوسری جانب بہاولنگر میں شدیددھندکے باعث ایلیٹ فورس کی گاڑی سیم نہر میں جاگری جس کے نتیجے میں 2 جوان جاں بحق اور 3 زخمی ہوگئے۔