لیسٹر سٹی نے کرسٹل پیلس سے فارورڈ جارڈن آیو کو 5 ملین پاؤنڈ میں سائن کرلیا

اردو انٹرنیشنل اسپورٹس ویب ڈیسک تفصیلات کے مطابق لیسٹر سٹی نے کرسٹل پیلس سے گھانا کے فارورڈ جارڈن آیو کو 5 ملین پاؤنڈ کی ابتدائی فیس پر دو سال کے لیے سائن کیا ہے۔

آیو نے کرسٹل پیلس کے لیے 6 سال میں 212 میچز کھیلے اور 23 گول اسکور کیے، اس نے اصل میں 2018 میں لون پر پیلس میں شمولیت اختیار کی تھی۔ اگر کچھ شرائط پوری ہوتی ہیں تو آیو کی منتقلی کی فیس 8 ملین پاؤنڈ تک جا سکتی ہے۔

اس سے قبل اس ہفتے کے شروع میں، لیسٹر نے مڈفیلڈر اولیور سکپ کو بھی ٹوٹنہم سے 20 ملین پاؤنڈ میں سائن کیا ، کیونکہ لیسٹڑ کے منیجر، اسٹیو کوپر، مزید حملہ آور کھلاڑیوں کو ٹیم میں شامل کرنا چاہتے ہیں اور آیو کے دستخط بھی اسی سلسلے کی ایک کڑی ہیں ۔

آیو نے لیسٹر میں شمولیت پر اپنی خوشی کا اظہار کیا۔ انہوں نے انہیں سائن کرنے کے لیے سخت محنت کرنے پر کلب کا شکریہ ادا کیا اور کہا کہ وہ منیجر کے تحت کام کرنے اور بطور کھلاڑی ٹیم میں بہتری لانے کے لیے پرجوش ہیں۔