اردو انٹرنیشنل (مانیٹرنگ ڈیسک) اسرائیل اور حزب اللہ کے درمیان ایک ماہ سے زائد عرصے سے جاری جھڑپوں کے دوران جنوبی لبنان میں بیروت کے جنوبی علاقے الضاحیہ پر رات کے وقت پرتشدد دھماکے ہوئے ہیں۔
العربیہ/الحدث کے نمائندوں نے آج ہفتے کو اطلاع دی کہ کل شام نواحی علاقوں میں 14 سے زائد اسرائیلی فضائی حملے کیے گئے
انہوں نے وضاحت کی کہ حملوں میں لبنانی یونیورسٹی کے آس پاس کے علاقوں برج البراجنہ، حارہ حریک اور الحدث کو نشانہ بنایا گیا۔ اس حملوں کے بعد علاقےسیاہ دھوئیں میں ڈوب گئے۔
انہوں نے نشاندہی کی کہ دارالحکومت بیروت کے آسمان پر اب بھی دھوئیں کے بادل اٹھ رہے ہیں۔
اسرائیلی فوج کے ترجمان ’اویچائی ادرعی‘ نے لبنان کے تین علاقوں کا ذکر کرتے ہوئے وہاں کےرہائیشیوں کو علاقہ فوری طورپر خالی کرنے کا حکم دیا۔
انہوں نے بتایا کہ جنوبی لبنان کے تین علاقوں پر پمفلٹس گرائےگئے ہیں اور شہریوں سے کہا گیا ہے کہ وہ ان علاقوں سے فوری طورپر نکل جائیں کیونکہ اسرائیلی فوج بمباری کرنے والی ہے۔
