لاہور قلندرز نے انسانیت اور ہمدردی کی ایک خوبصورت مثال قائم کرتے ہوئے کینسر کے شکار ایک کمسن مداح کی دیرینہ خواہش پوری کر دی۔
گوجرانوالہ کے علاقے قلعہ دیدار سنگھ سے تعلق رکھنے والے بچے فرزان نے ویڈیو پیغام کے ذریعے ٹیم کے کپتان شاہین شاہ آفریدی سے ملاقات کی خواہش ظاہر کی تھی درخواست موصول ہوتے ہی ٹیم انتظامیہ نے فوری اقدام کیا اور فرزان کو اسٹیڈیم مدعو کر لیا۔
اس موقع پر فرزان نہ صرف میچ دیکھنے کے لیے خصوصی انکلوژر میں موجود رہا بلکہ اس کی ملاقات شاہین آفریدی اور ٹیم مینجمنٹ سے بھی کرائی گئی شاہین آفریدی نے بچے کو دستخط شدہ ٹی شرٹ تحفے میں دی اور اس کے ساتھ یادگاری تصاویر بھی بنوائیں۔
بعد ازاں فرزان اور اس کے والد نے اس خصوصی اقدام پر لاہور قلندرز کی انتظامیہ کا شکریہ ادا کیا اور ٹیم کے حکام کے لیے نیک خواہشات کا اظہار کیا۔
