کراچی: ماہی گیروں کی قسمت جاگ گئی، اربوں مالیت کی ’سوا‘ مچھلی پھنس گئی
اردو انٹرنیشنل (مانیٹرنگ ڈیسک) کیٹی بندر کے قریب ماہی گیروں کے جال میں پھر نہایت قیمتی اور نایاب اربوں روپے مالیت کی ’سوا‘ مچھلی آ گئی۔
کوسٹل میڈیا سینٹر کے ترجمان کمال شاہ کے مطابق جال میں پرسوں ’سوا‘ مچھلی کا بڑا کیچ آیا ہے۔
ان کا کہنا تھا کہ کیٹی بندررکےقریب مچھیروں کی جال میں قیمتی سوا مچھلی پھنسی ہے، تین کشتیوں کو سب سے زیادہ 700 سوا مچھلی کے دانے ملے، دیگر مچھیروں کو بھی کروڑوں روپے کی قیمت کی سوا مچھلی ملی ہے۔
انہوں نے بتایا کہ مچھلیوں کی قیمت مارکیٹ میں ایک ارب کے قریب بتائی جارہی ہے۔
دوسری جانب ڈبلیو ڈبلیو ایف کے تیکنیکی مشیر معظم خان کا کہنا ہے کہ سوا مچھلی مارچ اپریل میں انڈے دینے کے لیے جمع ہوتی ہیں۔
ان کا یہ بھی کہنا ہے کہ بڑی تعداد میں شکار سے سوا مچھلی کے معدوم ہونے کا خطرہ ہے۔