جیسن گلیسپی پاکستان کے ریڈ بال کوچ رہیں گے، پی سی بی کی تصدیق

اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے اتوار کو تصدیق کی ہے کہ جیسن گلیسپی پاکستان ریڈ بال ٹیم کی کوچنگ جاری رکھیں گے۔

پی سی بی کی جانب سے جاری کردہ ایک بیان میں بورڈ نے کرکٹ ویب سائٹ کی ان خبروں کو مسترد کر دیا جس میں گلیسپی کو ہٹانے اور عاقب جاوید کو تمام فارمیٹس کے ہیڈ کوچ کے طور پر تعینات کرنے کی تجویز دی گئی تھی۔

پی سی بی نے واضح کیا کہ جیسن گلیسپی جنوبی افریقہ کے خلاف آئندہ دو میچوں کی ٹیسٹ سیریز کے لیے ریڈ بال کوچ کے طور پر برقرار رہیں گے۔

گیری کرسٹن نے پاکستان کے دورہ آسٹریلیا سے قبل ہیڈ کوچ کے عہدے سے استعفیٰ دے دیا تھا جس کے بعد جیسن گلیسپی کو دورہ آسٹریلیا کے لیے عبوری ریڈ بال کوچ مقرر کیا گیا تھا۔

پی سی بی نے کرکٹ ویب سائٹ کی جانب سے رپورٹ ہونے والی خبر کی بھی وضاحت کی، جس میں اس بات پر زور دیا گیا کہ جیسن گلیسپی ریڈ بال کوچ کے طور پر کام جاری رکھیں گے تاہم بورڈ نے وائٹ بال کوچ کے عہدے کے حوالے سے کوئی بیان نہیں دیا ہے۔

پاکستانی ٹیم 10 دسمبر سے 7 جنوری تک جنوبی افریقہ کے خلاف سیریز کھیلے گی جس میں 3 ٹی ٹوئنٹی، 3 ون ڈے میچز شامل ہوں گے۔