عمران نذیر کی ایک بار پھر میدان میں واپسی

اردو انٹرنیشنل(اسپورٹس ڈیسک) تفصیلات کے مطابق عمران نذیر نے اپنے ٹریننگ سیشن کے موقع پر میڈیا سے گفتگو کرتے ہو ئے کہا کہ میں نے دوبارہ کرکٹ کی طرف واپس آنے کا فیصلہ کیا ہے کرکٹ کھیلنے کے لیے فٹ ہونا بہت ضروری ہے میں اگر فٹنس لیول حاصل کرتا ہوں تو کیوں اعلیٰ سطح پر کرکٹ نہیں کھیل سکتا میں چونکہ بہت عرصہ کرکٹ سے باہر رہا ہوں اس لیے مجھے فٹنس کے لیے تھوڑا وقت لگے گا میں سمجھتا ہوں کہ اگر میں فٹنس پرایک دو ماہ کام کروں تو اچھی کرکٹ کھیل سکتا ہوں۔

انہوں نے کہا کہ اگر میں دوبارہ صحت مند ہوا ہوں تو پھر میں ضرور ایک دن اچھے لیول کی کرکٹ کھیلوں گا میری سلو پوائزننگ کی گئی اس کے لیے میں کسی کا نام نہیں لوں گا بس ان کے لیے دعا کروں گا میری ریکوری میں بہت ٹائم لگا7 سال بعد کرکٹ کے میدان میں آیا یہ میری زندگی کا ایک ڈراؤنا خواب تھا جسے اب میں بھلا چکا ہوں۔

یاد رہے کہ عمران نذیر 8 ٹیسٹ 79 ون ڈے اور 25 ٹی ٹوئنٹی میچ کھیل چکے ہیں۔