’میں تمہیں جیل میں ڈال دوں گا‘ٹرمپ کی فیس بک کے بانی کو دھمکی
اردو انٹرنیشنل (مانیٹرنگ ڈیسک) دُنیا کو ہلا کر رکھ دینے والی کرونا وبا کے حوالے سے برسوں قبل امریکی صدر جو بائیڈن کی انتظامیہ کی ہدایات پر عمل کرنے کے ان کے مشہور اعتراف کے بعد فیس بک پلیٹ فارم اور اس کے بانی مارک زکربرگ کی ساکھ کی جانچ پڑتال کی جا رہی ہے۔
“امریکہ کو بچائیں” کے عنوان سے آئندہ ماہ (ستمبر 2024) کی تین تاریخ کو شائع ہونے والی اپنی نئی کتاب میں سابق امریکی صدر اور ریپبلکن امیدوار ڈونلڈ ٹرمپ نے دھمکی دی ہے کہ اگر انہوں نے دھوکہ دیا تو وہ زکربرگ کو زندگی بھر جیل میں ڈال دیں گے۔
انہوں نے مذکورہ کتاب کے اقتباسات میں لکھا کہ “ہم اس کی کڑی نگرانی کر رہے ہیں اگر اس نے اس بار کوئی غیر قانونی کام کیا تو وہ اپنی باقی زندگی جیل میں گزارے گا۔ جیسا کہ انتخابات میں دھوکہ دہی کرنے والے دوسروں کا انجام ہوگا”۔
پولیٹیکو کی رپورٹ کے مطابق ٹرمپ نے فیس بک کے مالک پر گذشتہ صدارتی انتخابات کے دوران ان کے خلاف سازش کرنے کا الزام لگایا، جس کی وجہ سے 2020 میں بائیڈن کی فتح ہوئی۔
کتاب میں شامل وائٹ ہاؤس میں ٹرمپ کی زکربرگ کے ساتھ ملاقات کی ایک نامعلوم تصویر دکھائی گئی ہے۔ ریپبلکن امیدوار نے لکھا کہ وہ اوول آفس میں مجھ سے ملنے آتے اور اپنی بہت اچھی بیوی (پرسکیلا) کو ڈنر پر لے جاتے، اور وہ بہت اچھے تھے لیکن پردے کے پیچھے وہ ہمیشہ صدر کے خلاف سازشیں کرتے رہے۔
انہوں نے لکھا کہ “اس نے مجھے بتایا کہ فیس بک پر ٹرمپ جیسا کوئی نہیں ہے لیکن ساتھ ہی اس نے اپنا پلیٹ فارم میرے خلاف استعمال کیا”۔
یہ “انتباہ” ٹرمپ کے زکربرگ پر تازہ حملے کی نمائندگی کرتا ہے، جن پر وہ بارہا صدارتی انتخابات میں مداخلت کا الزام لگا چکے ہیں۔
فیس بک کی مالک کمپنی ’میٹا‘ نے قدامت پسندوں کو یقین دلانے کے لیے اقدامات کیے کہ اس سے اس سال کی انتخابی مہم متاثر نہیں ہوگی۔
