How much did the PCB reward the blind cricket team for winning the T20 World Cup?-PBCC
اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) کے چیئرمین محسن نقوی نے بدھ کے روز قومی بلائنڈ کرکٹ ٹیم کو اس ہفتے کے شروع میں ٹی ٹوئنٹی ورلڈ کپ کا پہلا ٹائٹل جیتنے پر 10 ملین روپے کی انعامی رقم سے نوازا۔
تفصیلات کے مطابق چیئرمین پی سی بی نے پاکستان بلائنڈ کرکٹ کونسل (پی بی سی سی) کے عہدیداروں کے ہمراہ بلائنڈ کرکٹ ٹیم کو نیشنل کرکٹ اکیڈمی (این سی اے) میں مدعو کیا اور انہیں نقد انعام سے نوازا۔
نقوی نے قومی ٹیم کو10 ملین روپے کا چیک پیش کیا اور پی بی سی سی کو 20 ملین گرانٹ بھی دی اور ٹورنامنٹ میں ان کی تاریخی کارکردگی پر کھلاڑیوں کی تعریف کی۔
نقوی نے اپنی تقریر میں بلائنڈ کرکٹ ٹیم کی تعریف کرتے ہوئے کہا کہ آپ کی جیت پاکستان کی جیت ہے آپ نے ٹی ٹوئنٹی ورلڈ کپ جیت کر پاکستان کا سر فخر سے بلند کیا ہے بلائنڈ کرکٹ ورلڈ کپ جیتنے سے قوم کو بے پناہ خوشی ہوئی ہے.
انہوں نے مزید کہا کہ بلائنڈ کرکٹ ٹیم کے کھلاڑی ہمارے لیے بہت اہم ہیں ہم ان کی حمایت کریں گے اور اس بات کو یقینی بنائیں گے کہ ہم ان کی ضروریات کو پورا کرنے میں کوئی کسر نہیں چھوڑیں گے.
واضح رہے کہ پاکستان نے منگل کو فائنل میں بنگلہ دیش کو شکست دے کر اپنا پہلا بلائنڈ ٹی ٹوئنٹی ورلڈ کپ ٹائٹل جیت لیا۔
