Historic defeat at the hands of Bangladesh, Shan Masood likely to resign, sources say-PCB
بنگلا دیش کے ہاتھوں مسلسل دونوں ٹیسٹ میچز میں تاریخی شکست کے بعد پاکستان ٹیسٹ ٹیم کے کپتان شان مسعود شدید دباؤ کا شکار ہوگئے ہیں۔
ذرائع کے مطابق شان مسعود نے قیادت چھوڑنے کے بارے میں ساتھی کھلاڑیوں کو آگاہ کردیاہے،وہ لاہور واپس جا کر پی سی بی حکام کو استعفیٰ دیں گے۔
شان مسعود کی قیادت میں پاکستان ٹیم کی کارکردگی مسلسل تنقید کی زد میں ہے دسمبر 2023 میں ٹیسٹ کپتانی سنبھالنے کے بعد پاکستان نے ان کی قیادت میں 16 ٹیسٹ میچز کھیلے، جن میں صرف 4 میں کامیابی حاصل ہوئی جبکہ 12 میچز میں شکست کا سامنا کرنا پڑا۔
بنگلا دیش کے خلاف سیریز میں پاکستان کو پہلے ٹیسٹ میں 104 رنز جبکہ دوسرے اور آخری ٹیسٹ میں 78 رنز سے شکست ہوئی دوسرے میچ میں قومی ٹیم 437 رنز کے ہدف کے تعاقب میں 358 رنز پر ڈھیر ہوگئی۔
میچ کے بعد گفتگو کرتے ہوئے شان مسعود نے اعتراف کیا کہ ٹیم نے کئی اہم غلطیاں کیں جن کا نقصان اٹھانا پڑا دوسری جانب شائقین اور سابق کرکٹرز کی جانب سے بھی ٹیم مینجمنٹ اور کپتانی پر سخت سوالات اٹھائے جا رہے ہیں۔
