ہیڈ کوچ گیری کرسٹن نے فیصل آباد پہنچ کر دوبارہ ڈیوٹی شروع کر دی

ہیڈ کوچ گیری کرسٹن نے فیصل آباد پہنچ کر دوبارہ ڈیوٹی شروع کر دی

اردوانٹرنیشنل(اسپورٹس ڈیسک) تفصیلات کے مطابق پاکستان کرکٹ ٹیم کے وائٹ بال کے ہیڈ کوچ گیری کرسٹن نے پاکستان پہنچتے ہی اپنی ذمہ داریاں شروع کر دی ہیں۔

کوچ گیری کرسٹن اور مینٹل ہیلتھ کوچ ڈیوڈ ریڈ نے فیصل آباد پہنچ کر اسٹالینز اور لائنز کے درمیان چیمپئنز ون ڈے کپ کے میچ میں شرکت کی۔

اپنے دورے کے دوران کرسٹن اور ریڈ نے سلیکٹر محمد یوسف اور اسد شفیق سے ملاقات کی۔

کرسٹن چیمپئنز ون ڈے کپ میں کھلاڑیوں کی کارکردگی کا جائزہ لیں گے اور لاہور کنکشن کیمپ میں ریڈ بال کے ہیڈ کوچ جیسن گلیسپی کے ساتھ شامل ہوں گے۔

ڈیوڈ ریڈ 23 ستمبر کو لاہور میں ہونے والے کنکشن کیمپ میں بھی شرکت کرنے والے ہیں۔