Wednesday, July 17, 2024
الیکشن 2024مولانا فضل الرحمان نے اسٹیبلشمنٹ کو انتخابات میں دھاندلی کا ذمہ دار...

مولانا فضل الرحمان نے اسٹیبلشمنٹ کو انتخابات میں دھاندلی کا ذمہ دار قرار دے دیا

مولانا فضل الرحمان نے اسٹیبلشمنٹ کو انتخابات میں دھاندلی کا ذمہ دار قرار دے دیا

اردو انٹرنیشنل(مانیٹرنگ ڈیسک) تفصیلات کے مطابق جمیعت علمائے اسلام ( ف) کے سربراہ مولانا فضل الرحمان نے پشاور میں پریس کانفرنس کرتے ہوئے کہا کہ اسٹیبلشمنٹ اپنی مرضی کے لوگ اور اسمبلیاں چاہتی ہے.

مولانا فضل الرحمان نے کہا کہ ہم نے ساری زندگی الیکشن لڑے ہیں، میری یہ داڑھی الیکشن میں سفید ہوئی ہے۔الیکشن مہم میں عوام کوپتہ چل جاتا ہے کہ کون جیت رہا ہے اور کون ہار رہا ہے۔

انہوں نے کہا کہ اس دفعہ الیکشن میں وہ لوگ جیتے ہیں جو اس سے پہلے کہیں نظر نہیں آئے. اس دفعہ تو وہ لوگ بھی جیتے ہیں جنہوں نے الیکشن سے دستبرداری کی تھی یا وہ گھر میں سوئے پڑے تھے.

عام انتخابات میں تحریک انصاف کی جیت پر نظر ڈالتے ہوئے مولانا فضل الرحمان نے کہا کہ اگر پی ٹی آئی انتخابات جیتی ہے تو پھر ان کی جیت کو تسلیم کریں۔ اس بات کو تسلیم کریں کہ قوم نے ایک باغی کومینڈیٹ دیا ہے.

پی ٹی آئی وفد سے ملاقات پر انہوں نے کہا کہ پی ٹی آئی وفد ملنے آیا تو ہم نے روایات کے مطابق انھیں عزت دی، اگر کوئی ہمارے تحفظات دور کرنے میں سنجیدہ ہو تو سیاست میں مذاکرات ہوتے ہیں۔

انہوں نے کہا کہ 2018 کے انتخابات میں بھی دھاندلی ہوئی تھی اور 2024 کے انتخابات میں بھی دھاندلی ہوئی ہے. یہ جو لوگ سسٹم کے اندر ہیں یہ آنے والے دنوں میں روئیں گے.

حکومت سازی سے متعلق انہوں نے کہا کہ جمیعت علمائے اسلام مرکز میں کسی حکومت کا حصہ نہیں بنے گی.

دیگر خبریں

Trending

کینیا: ٹیکس اضافے کے خلاف پرتشدد مظاہروں میں 13...

0
کینیا: ٹیکس اضافے کے خلاف پرتشدد مظاہروں میں 13 افراد ہلاک ، صورتحال پر قابو پانے کیلئے فوج طلب اردو انٹرنیشنل ( مانیٹرنگ ڈیسک)کینیا میں...