غزہ میں جنگ بندی کا مطالبہ کرنے میں اقوام متحدہ کی سلامتی کونسل ناکام، پاکستان
دفتر خارجہ پاکستان کی جانب سے آج جاری ہونے والی پریس ریلیز میں دفتر خارجہ کا کہنا ہے کہ پاکستان اس بات پر سخت مایوس ہے کہ اقوام متحدہ کی سلامتی کونسل ایک بار پھر غزہ میں جنگ بندی کی اپیل کرنے میں ناکام رہی ہے.
اقوام متحدہ کے سیکرٹری جنرل کی طرف سے اقوام متحدہ کے چارٹر کے آرٹیکل 99 کی درخواست اور غزہ میں انسانی تباہی کے بارے میں ان کی وارننگ کے باوجود، کونسل بین الاقوامی امن و سلامتی کو برقرار رکھنے کے لیے اپنی بنیادی ذمہ داری ادا کرنے میں ناکام رہی ہے۔ غزہ کے محصور عوام نے جس اجتماعی سزا کو برداشت کیا ہے اسکی مثال نہیں ملتی یہ اور ناقابل قبول ہے۔
مقبوضہ فلسطین میں اسرائیل کی جارہیت کا تسلسل انسانی مصائب کو طول دے گا، جس میں بڑے پیمانے پر شہری ہلاکتیں ہوں گی اور لاکھوں لوگوں کو جبری بے گھر ہونا پڑے گا۔ یہ ایک وسیع اور زیادہ خطرناک تنازعہ کو بھی متحرک کر سکتا ہے۔ ایک بھاری ذمہ داری ان تمام لوگوں پر عائد ہوتی ہے جنہوں نے غزہ کے عوام پر بلا تعطل بمباری کو طول دینے میں تعاون کیا۔
پاکستان نے انسانی تباہی سے بچنے کے لیے فوری اور غیر مشروط جنگ بندی کے مطالبے کا اعادہ کیا۔ اسرائیل غزہ کے خلاف اپنے وحشیانہ حملے اور غیر انسانی محاصرہ ختم کرے۔ ہم اقوام متحدہ کی سلامتی کونسل پر زور دیتے ہیں کہ وہ ابھی کارروائی کرے، اس غیر انسانی جنگ کو ختم کرے اور غزہ کے لوگوں کو نسل کشی سے بچائے۔