Real Madrid crush Salzburg 5-1 Photo-Getty Images
اردو انٹرنیشنل (اسپورٹس ویب ڈیسک) تفصیلات کے مطابق ریال میڈرڈ نے چیمپئنز لیگ میں شاندار کارکردگی کا مظاہرہ کرتے ہوئے ریڈ بل سالزبرگ کو 5-1 کے واضح فرق سے شکست دی اور پلے آف مرحلے میں رسائی یقینی بنالی۔
سالزبرگ نے میچ کے آغاز میں بہتر کھیل پیش کرنے کی کوشش کی، لیکن ریال میڈرڈ کی جانب سے کھیل کے 23ویں منٹ میں روڈریگو نے جوڈ بیلنگھم کے شاندار پاس گول کرکے میڈرڈ کو ابتدائی برتری دلائی۔
ہاف ٹائم سے پہلے روڈریگو نے بیلنگھم کے بیک ہیل پاس پر ایک زبردست لگایا اور اسکور 2-0 کر دیا اور پھر دوسرے ہاف کے آغاز میں ہی ایمباپے نے بھی ایک گول داغ دیا ، ایمباپے نے سالزبرگ کے گول کیپر کی غلطی کا فائدہ اٹھا کر گیند کو گول میں پہنچایا۔
میچ کے 55ویں منٹ میں ونیسیئس جونیئر نے لوکا موڈرک کے شاندار پاس پر گول کر کے اسکور 4-0 کر دیا۔ میچ کے آخری لمحات میں تھیباؤٹ کورٹوئس کی شاندار پاسنگ کے بعد ونیسیئس نے اپنا دوسرا گول کیا اور اسکور 5-0 کر دیا۔ سالزبرگ کی جانب سے میڈس بڈسٹرپ نے آخری لمحات میں گول کر کے اسکور 5-1 کر دیا، لیکن یہ ان کے لیے کافی نہ تھا۔
اس جیت کے بعد ریال میڈرڈ چیمپئنز لیگ کے پلے آف مرحلے میں اپنی جگہ پکی کر چکا ہے اور خودکار اہلیت کے لیے وہ اگلے ہفتے بریسٹ کے خلاف ایک اہم میچ کھیلے گا۔ دوسری طرف، سالزبرگ چیمپئنز لیگ سے باہر ہو چکا ہے، کیونکہ وہ اپنے سات میں سے چھ میچ ہار چکا ہے۔
