چیمپیئنز لیگ: بینفیکا کی مسلسل دوسری فتح، اٹلیٹیکو میڈرڈ کو 4-0 کے بڑے مارجن سے شکست

اردو انٹرنیشنل (اسپورٹس ویب ڈیسک) تفصیلات کے مطابق چیمپیئنز لیگ کے ایک میچ میں بینفیکا اور اٹلیٹیکو میڈرڈ آمنے سامنے تھے جہاں بینفیکا کے کھلاڑیوں کریم اکتورکوگلو، اینجل ڈی ماریا، الیگزینڈر باہ، اور اورکون کوکو نے شاندار کھیل کا مظاہرہ کرتے ہوئے بدھ کے دن اٹلیٹیکو میڈرڈ کو 4-0 سے شکست دی۔ اس جیت کے ساتھ بینفیکا نے چیمپئنز لیگ میں اپنی مسلسل دوسری فتح حاصل کی۔

میچ کے 13 ویں منٹ میں اٹلیٹیکو میڈرڈ کے دفاع کی غلطی سے کریم اکتورکوگلو کو گول کرنے کا موقع ملا۔ اس کے بعد، میزبان ٹیم نے کچھ اچھے مواقع بنائے، جن میں وینجیلس پاولیدیس کا ایک شاٹ پوسٹ سے ٹکرایا۔ لیکن اٹلیٹیکو میڈرڈ کی ایک اور غلطی کی وجہ سے بینفیکا کو پنالٹی مل گئی، جسے اینجل ڈی ماریا نے کامیابی سے گول میں تبدیل کر دیا۔

اس کے بعد کھیل کے 75 ویں منٹ میں، الیگزینڈر باہ نے ہیڈرکے ذریعے گول کرکے بینفیکا کی برتری میں اضافہ کیا۔ اس کے بعد، میڈرڈ کے رینلڈو منڈاوا کی طرف سے بینفیکا کے متبادل کھلاڑی زیوکی امڈونی کو فاؤل کرنے کی وجہ سے بینفیکا کو پنالٹی ملی جس پر ، اورکون کوکو نے کامیابی سے گول کیا اور یوں بینفیکا نے اٹلیٹیکو میڈرڈ کے خلاف اپنی برتری 4-0 تک بڑھا لی۔

اٹلیٹیکو میڈرڈ کے گول کیپر جان اوبلاک نے آخر میں کئی بہترین سیو کیے، جس کی وجہ سے مزید گولز کا خطرہ ٹل گیا۔ لیکن اٹلیٹیکو میڈرڈ بینفیکا کے خلاف کوئی بھی گول کرنے میں ناکام رہی جس وجہ سے میچ کا فیصلہ یکطرفہ طور پر بینفیکا کے حق میں چلا گیا۔