سائفر کو بنیاد بنا کر ماضی کی حکومت نے سیاست کی، ملک احمد خان

سائفر کو بنیاد بنا کر ماضی کی حکومت نے سیاست کی، ملک احمد خان

پاکستان مسلم لیگ (ن) کے رہنما ملک احمد خان نے لاہور میں پریس کانفرنس کرتے ہوئے کہا کہ عدالتوں کا احترام کرتے ہیں، سائفرکیس فیصلےکے بعد کئی سوال ذہن میں آئے، کل مجھے تشویش ہوئی، جس کا اظہار کرنا چاہتا ہوں۔

ملک احمد خان نے کہا کہ تحریک انصاف کو بند لفافے سے بہت رغبت ہے، قاسم سوری نے ڈپٹی اسپیکر کی کرسی پر بیٹھ کر سربمہرلفافہ لہرایا۔

ان کا کہنا تھا کہ سائفر پر کابینہ کی ایک مختصر میٹنگ کی گئی تھی، سائفر کو بنیاد بنا کر ماضی کی حکومت نے سیاست کی، اور عدالت نے کہا کہ معاملے پر سائفر ایکٹ کا اطلاق نہیں ہوتا۔

ملک احمد خان نے کہا کہ آئین صرف آمر ہی نہیں تورٹے۔ انہوں نے کہا کہ اعظم خان پر آڈیو لیکس کا ایک مقدمہ چل رہا ہے۔

ان کا کہنا تھا کہ پی ٹی آئی نے دوست ملک پر الزام لگائے، جس سے تعلقات متاثر ہوئے، مزید کہا کہ جب ایک سیاسی جماعت کالعدم ہوگی تو الیکشن کمیشن انتخابی نشان کیسے دے گا۔