برطانوی ارب پتی ڈینی لیمبو نے اسلام قبول کر لیا
برطانوی ارب پتی ڈینی لیمبو نے اسلام قبول کرنے کا اعلان اپنے انسٹاگرام اکاونٹ سے جاری کردہ ایک ویڈیو میں کیا جس میں وہ خانہ کعبہ کے سامنے روتے ہوئے نظر آتے ہیں.
ڈینی لیمبو نے کہا کہ آپ کو پتہ نہیں ہوتا کہ زندگی آپ کو کس راستے پر لے جائیگی. میں کاروبار کے سلسلے میں سعودی عرب گیا تھا جہاں پر میرا کام جلدی مکمل ہوا اور پھر ایک شخص مجھے مکہ مکرمہ لے گیا اور وہاں سے میرے روحانی سفر کا آغاز ہوا.
ڈینی لیمبو کا اصل نام ڈینی کیرن تھا لیکن لیمبرگینی گاڑیوں سے محبت کی وجہ سے انہوں نے ڈینی کیرن سے اپنا نام تبدیل کر کے ڈینی لیمبو رکھ دیا تھا. ڈینی لیمبو نہ صرف ایک اداکار و گلوکار ہیں بلکہ برطانیہ کے ایک ارب پتی شخصیت بھی ہیں.
ڈینی لندن میں ایک عام سے خاندان میں پیدا ہوئے اور اپنی شروعاتی زندگی میں ہی سکول چھوڑ کر لندن میں بطورِ سنگر اپنے کیرئر کا آغاز کیا جس کے بعد انہوں نے ہوٹلوں کے بزنس میں بھی قدم رکھا.
انہوں نے 2017 میں مشہور ٹی وی شو ایکس فیکٹر میں بھی کام کیا جس سے اُن کو کافی شہرت ملی.
ڈینی لیمبو نہ صرف ایک شاہانہ زندگی گزار رہے بلکہ وہ کئی ساری قیمتی گاڑیوں کے بھی مالک ہیں اپنے انسٹاگرام اکاونٹ پراپنی ویڈیو میں ڈینی لیمبو نے باسط نامی شخص کا شکریہ ادا کرتے ہوئے یہ بھی لکھا
” شکریہ بھائی باسط, آپ نے مجھے زندگی کا اصل معنی اور مقصد دکھایا.