آئینی ترامیم جمہوری طریقے سےپارلیمنٹ سے منظور کرائیں گے، بلاول بھٹو

آئینی ترامیم جمہوری طریقے سےپارلیمنٹ سے منظور کرائیں گے، بلاول بھٹو

اردو انٹرنیشنل (مانیٹرنگ ڈیسک) چیئرمین پیپلزپارٹی بلاول بھٹو نے تقریب سے خطاب کرتے ہوئے کہا ہے کہ ملک میں جب بھی آئین سازی ہوئی جے یو آئی کا اہم کردار رہا، آئینی ترامیم جمہوری طریقے سے پارلیمنٹ سے منظور کرائیں گے۔

وزیراعلیٰ ہاؤس میں بے نظیر ہاری کارڈ کے اجراء کی تقریب سے خطاب کرتے ہوئے بلاول بھٹو نے کہا کہ بی آئی ایس پی، مزدور کارڈ کے بعد بینظیر ہاری کارڈ کا افتتاح کرنے جا رہے ہیں۔ بینظیر بھٹو بطور وزیراعظم معیشت کو ایسے چلاتی تھیں کہ غریبوں کو فائدہ پہنچے۔

انھوں نے کہا کہ لک میں جب بھی آئین سازی ہوئی جے یو آئی کا اہم کردار رہا، آئینی ترامیم جمہوری طریقے سےپارلیمنٹ سے منظور کرائیں گے۔ چارٹرآف ڈیموکریسی کےوعدےجورہ گئے تھےکیاانہیں بھول جانا چاہیے، ہمیں کہا جارہا ہےکہ آپ پیچھے ہٹ جائیں ہم نےکہا آپ پیچھے ہٹ جاؤ۔18 اکتوبر کو حیدرآباد میں سب ملکرانصاف کا مطالبہ کریں گے۔

بلاول بھٹو نے مزید کہا کہ شہید بی بی وزیراعظم تھیں توہاری خود کو وزیراعظم سمجھتا تھا، ملک کےہاری کوفائدہ ہوگاتوملک اورمعیشت کوفائدہ ہوگا، بینظیرکےدورمیں بھی کہاجاتاتھاکہ پاکستان نازک دورسے گزررہا ہے، بینظیربھٹو نےدلیرفیصلہ کیا کہ آلوکی فصل حکومت خریدے گی۔ بینظیر کے فیصلوں پر اسلام آباد میں بیٹھے بابوؤں چیخ اُتھے تھے انھوں نے کہاہم یہ کیسے کریں گے لیکن والدہ نے کہا آلو خرید کرمچھلیوں کو کھیلا دینگے مگر ہاری بھوکا نہ رہے۔

انھوں نے کہا کہ موسمیاتی تبدیلی کی وجہ سےکسان،ہاری ہرموسم میں پریشان ہوجاتے ہیں، اور میں کسان اورہاریوں کےلئےبہت پریشان ہوں، موسمیاتی تبدیلی کامقابلہ کرناہےتوزرعی شعبےکوزندہ رکھناہوگا، زرعی شعبےکوڈی ریگولیٹ کےبجائےریگولیٹ کریں، زرعی شعبےکی بہتری کیلئےگرین انرجی کی طرف بڑھناہ وگا۔

جبکہ تقریب سے خطاب کرتے ہوئے وزیراعلیٰ سندھ مراد علی شاہ نے کہا کہ کچھ لوگ کراچی آ کر احتجاج کرنا چاہتے تھے ہم نے ہمیشہ احتجاج کو ویلکم کیا ہے ہم نے کہا کہ ایس سی او کانفرنس کی وجہ سے احتجاج کو موخر کیا جائے، اس کے باوجود ہمارے دوست آئے لیکن یہ واقعہ نہیں ہونا چاہیے تھا۔