Australia beat Pakistan by 41 runs in the second ODI to level the series-PCB
آسٹریلیا نے قذافی اسٹیڈیم لاہور میں کھیلے گئے دوسرے ون ڈے میچ میں پاکستان کو 41 رنز سے شکست دے کر سیریز 1-1 سے برابر کر دی۔
آسٹریلوی ٹیم نے مقررہ 50 اوورز میں 9 وکٹوں کے نقصان پر 231 رنز بنائے، جس کے جواب میں پاکستانی ٹیم 190 رنز پر آل آؤٹ ہوگئی۔
پاکستانی بیٹنگ لائن ہدف کے تعاقب میں ابتدا ہی سے مشکلات کا شکار رہی اور 58 رنز پر پانچ اہم وکٹیں گنوا بیٹھی بابر اعظم 16، سلمان علی آغا 7 جبکہ دیگر بلے باز بھی خاطر خواہ کارکردگی نہ دکھا سکے۔
آسٹریلیا کی جانب سے کیمرون گرین نے 53 اور جوش انگلس نے 51 رنز کی ذمہ دارانہ اننگز کھیلیں، جبکہ میٹ رینشا نے 43 رنز اسکور کیے۔
پاکستان کی طرف سے شاہین شاہ آفریدی نے 3 وکٹیں حاصل کیں جبکہ عرفات منہاس نے 2 کھلاڑیوں کو آؤٹ کیا۔
