اردو انٹرنیشنل (مانیٹرنگ ڈیسک) امریکی صدر جوبائیڈن نے کہا ہے کہ روس، ایران اور حزب اللہ شامی حکومت کا دفاع نہ کرسکے، اب امریکا شام میں شراکت داروں اور اسٹیک ہولڈرز کے ساتھ مل کر کام کرے گا۔
صدر بائیڈن نے ایک پریس کانفرنس کے دوران کہا کہ ایران اور اس کے ایجنٹوں کی بشارالاسد کو بچانے کی تمام کوششیں ناکام ہوگییں اور آخر کار شام میں بشارلاسد حکومت کا خاتمہ ہوگیا ہے۔
BREAKING: U.S PRESIDENT BIDEN’S STATEMENT REGARDING SYRIA & ASSAD:
“At long last, the Assad regime has fallen. This regime brutalized and tortured and killed literally hundreds of thousands of innocent Syrians. The fall of the regime is a fundamental act of justice.” pic.twitter.com/zhbV7glwpL
— Sulaiman Ahmed (@ShaykhSulaiman) December 8, 2024
انہوں نے کہا کہ امریکا خطے میں خطرات کو کم کرنے کے لیے اقدامات کرے گا اور اقوام متحدہ کے فریم ورک کے اندر تمام شامی گروپوں کے ساتھ کام کرے گا۔
دوسری جانب اقوام متحدہ کے سیکریٹری جنرل انتونیو گوتریس نے کہا ہے کہ شام کے مستقبل کا فیصلہ شام کے عوام کے لیے اہم ہے، اقتدار کی پرامن منتقلی یقینی بنانے کے لیے بہت زیادہ کام کی ضرورت ہے۔
واضح رہے کہ روسی حکام نے دعویٰ کیا ہے کہ شام میں باغیوں کے قبضے کے بعد ملک چھوڑجانے والے صدر بشارالاسد اپنے اہل خانہ کے ہمراہ ماسکو پہنچ گئے ہیں جہاں روس نے انہیں سیاسی پناہ دے دی۔
