FILE - In this April 30, 2014 file photo, Pakistan's Prime Minister Nawaz Sharif waves as he arrives for a meeting with British Prime Minister David Cameron at 10 Downing Street in London. A spokesman for India's next prime minister Narendra Modi says he plans to invite the leader of rival Pakistan to his inauguration along with other South Asian leaders. (AP Photo/Sang Tan, File)
احتساب عدالت کی سزا کالعدم، نواز شریف العزیزیہ ریفرنس میں بری
اردو انٹرنیشنل (مانیٹرنگ ڈیسک) اسلام آباد ہائی کورٹ میں العزیزیہ ریفرنس میں سزا کے خلاف نواز شریف کی اپیل پر سماعت آج ہوئی۔
چیف جسٹس اسلام آباد ہائیکورٹ جسٹس عامر فاروق اور جسٹس میاں گل حسن اورنگزیب پر مشتمل دو رکنی بینچ نے سماعت کی اور فیصلہ محفوظ کیا.اسلام آباد ہائی کورٹ نے العزیزیہ ریفرنس واپس احتساب عدالت کو بھیجنے کی استدعا مسترد کی۔
بعد ازاں اسلام آباد ہائی کورٹ نے مختصر سا فیصلہ سناتے ہوئے العزیزیہ ریفرنس میں نواز شریف کی سزا کے خلاف اپیل منظور کرتے ہوئے انہیں کیس میں بری کر دیا۔
چیف جسٹس اسلام آباد ہائیکورٹ جسٹس عامر فاروق نے کہا کہ واجد ضیا نے جو نتیجہ اخذ کیا وہ کن دستاویزات کی بنیاد پرکیا گیا؟وہ ہمیں دکھا دیں۔
یاد رہے کہ 6 جولائی 2018 کو اسلام آباد کی احتساب عدالت نے ایون فیلڈ ریفرنس میں مسلم لیگ (ن) کے قائد نواز شریف کو 11 سال قید کی سز اسنائی تھی.علاوہ ازیں 24 دسمبر 2018 کو اسلام آباد کی احتساب عدالت نے سابق وزیراعظم نواز شریف کو العزیزیہ اسٹیل ملز ریفرنس میں7 سال قید اور جرمانے کی سزا سنائی تھی۔
رواں سال 26 اکتوبر کو اسلام آباد ہائیکورٹ نے (ن) لیگی قائد نواز شریف کی درخواست پر ایون فیلڈ اور العزیزیہ ریفرنسز میں سزا کے خلاف اپیلیں بحال کی تھیں۔
گزشتہ دنوں اسلام آباد ہائیکورٹ نے ایون فیلڈ ریفرنس میں سابق وزیراعظم نوازشریف کی 11 سال قید کی سزا کالعدم قرار دے کر انہیں بری کیا۔
کیس کا فیصلہ سننے کے بعد نواز شریف روانہ ہوئے تو احاطہ عدالت میں موجود ان کے وکلا نے نعرے بازی کی۔ سماعت کے موقع پر عدالت کے اندر اور باہر پولیس کی بھاری نفری تعینات تھی، احاطہ عدالت میں ن لیگ کے حامی وکلا کی بڑی تعداد اور عدالت کے باہر ن لیگی کارکنان کی بڑی تعداد موجود تھی۔
