Abhishek Sharma equals an Indian player's unwanted record-AFP
بھارت کے جارح مزاج اوپنر ابھیشیک شرما نے آئی سی سی ٹی20 ورلڈ کپ 2026ء میں ایک ناپسندیدہ ریکارڈ برابر کر دیا 25 سالہ بیٹر میگا ایونٹ میں مسلسل تیسری اننگز میں صفر پر آؤٹ ہوگئے، یوں وہ ٹورنامنٹ میں اب تک کوئی رن اسکور نہ کرسکے۔
بھارت اور سری لنکا کی مشترکہ میزبانی میں جاری ایونٹ میں ابھیشیک شرما کو امریکا، پاکستان اور نیدرلینڈز کے خلاف بالترتیب صفر پر پویلین لوٹنا پڑا اس طرح وہ ٹی20 ورلڈ کپ کی مسلسل تین اننگز میں صفر پر آؤٹ ہونے والے بھارتی کھلاڑیوں کی فہرست میں شامل ہوگئے ہیں۔
اس سے قبل بھارت کے سابق فاسٹ بولر آشیش نہرا بھی ٹی20 ورلڈ کپ میں لگاتار تین اننگز میں صفر پر آؤٹ ہوئے تھے مزید برآں ابھیشیک شرما نے ایک کیلنڈر سال میں بھارت کی جانب سے سب سے زیادہ صفر پر آؤٹ ہونے کا ریکارڈ بھی برابر کر دیا، جو اس سے قبل 2004ء میں سنجو سیمسن کے پاس تھا۔
