پاکستان نے آئی ٹی کے شعبے میں حالیہ برسوں میں ترقی کی ہے، نگران وزیراعظم
اردو انٹرنیشنل (مانیٹرنگ ڈیسک) اسلام آباد میں تقریب سے خطاب کرتے ہوئے نگران وزیر اعظم انوار الحق کاکڑ نے کہا ہے کہ انفارمیشن ٹیکنالوجی سیکٹر موجودہ حکومت کی توجہ کا اولین مرکز ہے۔
انہوں نے کہا کہ پاکستان نے آئی ٹی کے شعبے میں حالیہ برسوں میں ترقی حاصل کی ہے۔
انوار الحق کاکڑ کا کہنا تھا کہ ملک کی آئی ٹی انڈسٹری ملکی معیشت کے فروغ، ریونیو میں اضافے اور ملازمتوں کی تخلیق میں اپنا کردار ادا کر رہی ہے۔
نگران وزیراعظم انوار الحق کاکڑ نے کہا کہ ہم آئی ٹی مصنوعات اور آئی ٹی سے متعلق دیگر خدمات ایکسپورٹ کر رہے ہیں۔